De letzte Smökerin

nbkiel-admin In der Presse, Kieler Nachrichten

Vom 09.03.2020 aus der Redaktion der Kieler Nachrichten

von Heike Thode-Scheel

Stell di mol en Smökerin vör, de op’n Balkon vergeten warrd. Un en Kist Beer un 28 Zigaretten. Un dor warrd denn en Theoterstück ut? Kloor – de Nedderdüütsche Bühn Kiel bringt dat Een-PersonenStück „De letzte Smökerin“ op de Bühn. Un denn steiht se dor – de arme Stakel. Op’n kolen Balkon.

Dorbi weer dat doch so’n schönes Avendeten mit ehr Frünn. Blots datt vun de keeneen mehr smöken deit. Also mutt se rut an’e frische Luft. Döör to. Tja un denn vergeet se ehr – un de Frünn treckt wieder in de nächste Kneipe. Un se steiht jümmers noch dor. Bi Beer un en gode Zigarett sineert se över ehr Leven un moolt sik luder snaaksche Saken ut: Wenn nu de Füerwehr kamen würr, üm ehr rünnertoholen? Se besinnt sik op de schönen Tieden, as se ehr eerste Zigarett smöökt hett. As Partys noch Feten weern un de Schachtel Zigaretten noch dree Mark kussen dä. Ümso later de Nacht, ümso narrscher warrd ehr Gedanken: To’n Bispill, datt in Sibirien Smöken överall erlaubt is. Wenn se nu Russisch lehrn würr, denn kunn se doch in Nowosibirsk Taxi fohrn un en Barg Geld för Smöökkraam utgeven . . . .

Tja – wat wull ut de letzte Smökerin warrd? (…)

th/FOTO: SOULPICTURE

Artikel veröffentlicht: Montag, 09.03.2020 in den Kieler Nachrichten.

Premiere der „letzten Smökerin“ ist am Freitag, 25. September um 20:00 Uhr.

Tickets sind an allen bekannten VVK-Stellen erhältlich oder unter (0431) 901 901.